MANILA, Philippines (Eagle News) — Hindi aniya susundin ng Pangulong Rodrigo Roa Duterte (PRRD) ang nakagawiang 100 araw para mag-ulat sa bayan, sa halip sa kaniyang ika-50 araw sa Malakanyang ay magsasagawa na umano ito ng pag-uulat.
Ang ika-50 araw ng Pangulo sa panunungkulan ay natapat sa August 18, 2016, araw ng Huwebes sa susunod ng linggo.
Sinabi ni Presidential Spokeperson Ernesto Abella na ang magiging laman sa Ulat sa Bayan ng Pangulo ay may kaugnayan sa all out war sa iligal drug trade sa bansa.
Dagdag pa ni Abelle, abangan na lamang ng publiko ang magiging ulat ng Pangulo dahil pinaghahandaan na ng Malakanyang ang production nito.
Courtesy: Jet Hilario