ZAMBOANGA CITY (Eagle News) – Ibinunyag ng bagong Commander ng Armed Forces of the Philippines (AFP) sa ilalim ni Western Mindanao Command (WESMINCOM) Major General Carlito Galvez, Jr., na nasa 27 pang mga bihag ang hawak pa rin ng bandidong Abu Sayyaf sa Sulu.
Ayon pa sa Heneral, pahirapan aniya ang kanilang operasyon sa naturang Isla ng Sulu laban sa mga bandidong grupo lalo na at ilan sa mga residente ay ayaw nang makipagtulungan sa mga awtoridad. Takot aniya ang mga ito na balikan ng rebeldeng grupo. Bagaman tukoy na ng militar ang pinagtataguan ng mga bandido sa Sulu pero tumanggi pa rin itong ibunyag sa ngayon.
Jun Cronico – EBC Correspondent, Zamboanga City