SAN ANDRES, Quezon (Eagle News) – Patay ang apat na katao mula sa hinihinalang miyembro ng National People’s Army matapos ang sagupaan sa miyembro ng 85th Infantry Battalion ng Philippine Army. Nangyari ang nasabing insidente bandang 4:00 ng hapon nitong Martes, March 7 sa Sitio Umagos, Brgy. Camflora, San Andres, Quezon.
Sa inisyal na impormasyon apat ang napatay sa panig ng mga rebelde. Apat din na matataas na kalibre ng baril ang nakuha sa mga rebelde, isa rito ay M16 armalite, isang M203 riffle grenade at dalawang AK 47.
Patuloy naman ang isinasagawang clearing operation sa nabanggit na lugar.
(Mark Labayo, Jerbe Formanes – EBC Correspondents, Quezon)
