MANILA, Philippines (Eagle News) — “Excellent” ang naging rating ni Pangulong Rodrigo Duterte sa pag-sisimula ng kanyang termino.
Batay sa June 2016 survey ng Social Weather Stations (SWS), 84 percent ng respondents ang sumagot na tiwala sila sa bagong administrasyon, 11 percent ang sumagot nang hindi tiyak at 5 percent ang walang masyadong tiwala.
Una rito, naka-tanggap ang pangulo ng “moderate” rating noong December 2015 at bago ang eleksyon noong May 9.
Ma-ihahambing din ang rating ni Pangulong Duterte kay dating Pangulong Benigno Aquino III na naka-kuha rin ng “excellent” rating pagkatapos ng 2010 elections.
