(Eagle News) — Binuksan na ng Judicial and Bar Council ang aplikasyon at nominasyon para sa mga bakanteng pwesto sa Court of Appeals at mga hukuman sa NCR, Region 6 at Region 8.
Sa apat na pahinang abiso na ipinalabas ni Supreme Court Clerk of Court at JBC ex-officio Secretary Edgar Aricheta, may isang bakanteng pwesto para sa pagka-mahistrado ng Court of Appeals dahil sa pagkakatalaga kay dating CA Associate Justice Socorro Inting bilang Comelec Commissioner.
Umaabot naman sa apatnaput-dalawa ang bakanteng pwesto sa pagka-hukom sa ibat-ibang korte sa NCR.
Itinakda ng JBC ang deadline ng pagsusumite ng aplikasyon at mga requirement sa July 10 hanggang 4:30 PM.
Samantala, inanunsyo rin ng JBC ang muling pagbubukas ng aplikasyon sa 10 judgeship position sa mga korte sa Regions 6 at 8.
Mayroon namang hanggang Hunyo 25 ang mga interesadong aplikante para maghain ng kanilang aplikasyon. (with a report from Moira Encina)
