MANILA, Philippines (Eagle News) — Inalerto ng Bureau of Immigration lahat ng international at lokal na pantalan ukol sa limang Philippine National Police (PNP) generals na umanoy sangkot sa ilegal na droga.
Ito ay pagtugon sa look-out bulletin order na inilabas ng Department of Justice.
Gayunman , hindi naman mapipigilan ang mga nasabing heneral sa paglabas ng bansa dahil walang hold departure order laban sa kanila.
Ang look-out bulletin ay para lang sa immigration officers na dapat makipag-tulungan sa mga nararapat na ahensya kung may nais lumabas na bansa.