DAVAO CITY (Eagle News) – Nagsagawa ng clearing operations ang apat na Mobile group sa Davao City nitong Huwebes ng umaga sa pangunguna ni Police Chief Inspector Ramil Macarampat. Isinagawa nila ito sa mga kalye ng Quimpo Boulevard, Quirino Street, Ilustre, Rizal, San Rafael at El Rio Street.
Ayon kay Inspector Macarampat, layunin nito na lumuwag at malinis ang lahat ng daan upang mapagaan ang daloy ng trapiko sa pagbisita ng mga kandidata ng Miss Universe sa Davao.
Sa nasabing operasyon inalis nila ang 30 sasakyan sa iba’t-ibang lugar, 40 signages ang tinanggal, isang taxi ang hinila, at apat na T.O.P naman ang naisyuhan ng awtoridad.
Saylan Wens at Haydee Jipolan – EBC Correspondent, Davao City
Photos Courtesy: Presinto Dos