NILINAW ng Department of Agriculture sa Region 6 na walang outbreak ng newcastle virus sa mga manok sa rehiyon.
Ayon kay DA Region 6 Regulatory Division Chief Dr. Joric Natividad, nasa “backyard level” lamang ang mga naitalang kaso ng newcastle virus sa Western Visayas.
Sa Luzon una ng nagdeklara ng outbreak ng virus matapos mapilitang magsara na ng kanilang farm ang mga poultry owner.
Ayon sa DA, ang virus ay kumalat na umano sa mga lalawigan ng Ilocos Norte, Pangasinan, Zambales, Tarlac, Pampanga, Laguna, at Quezon.
(Agila Probinsya)
