QUEZON City, Philippines (Eagle News ) — Bilang paggunita sa ika-apatnapu’t walong taong anibersaryo ng Eagle Broadcasting Corporation o EBC ngayong taon na ito, nagkaroon ng iba’t-ibang aktibidad ang mga kawani at empleyado nito.
Alas-nueve ng umaga ng araw ng Sabado (Abril 23) ay nagsagawa ng Special Worship Service at Oath Taking para sa mga bagong talagang mga kawani ng Eagle Broadcasting Corporation sa dako ng Iglesia Ni Cristo Central Temple.
Nagkaroon din ng videoke singing contest na bukas (open) sa lahat ng mga kawani, fun games para sa mga empleyado at miyembro ng pamilya, medical checkup, one minute of fame talent search & audition.
May inihanda ring aktibidad ang EBC para sa mga Net 25 kids na may edad dose (12) pababa.
Ginawaran din ng pagkilala ang ilang mga kawani na hindi nagkaroon ng pagliban sa nakaraang unang quater ng taong 2016. (Eagle News Jet Hilario, Photo courtesy of Dex Magno & MRFB)