CAUAYAN CITY, Isabela (Eagle News) – Nagsagawa ang SCAN International sa mga miyembro nito ng seminar tungkol sa Emergency First Responders Training. Layunin nito na maturuan ang bawat miyembro ng tamang pamamaraan ng pag-rescue sa panahon ng sakuna o aksidente.
Isinagawa ito sa Maribbay Functional Hall, Cauayan City, Isabela noong April 10-13. Dumalo sa seminar ang mga miyembro ng SCAN na mula sa iba’t ibang bayan na sakop ng Isabela.
Malaking tulong ang nasabing aktibidad para sa mga miyembro nito dahil sa madalas na mga aksidente sa lansangan lalo na sa mga panahong tulad nito na marami ang mga maglalakbay upang magbakasyon.
JJ Pilon – EBC Correspondent, Cauayan City, Isabela
