Padre Burgos, Quezon (Eagle News) — Isang gas tanker ang sumabog pagkatapos na bumaliktad sa isang heavy curve sa bayan ng Padre Burgos, lalawigan ng Quezon.
Ayon kay Boy Magpantay, may-ari ng bahay na malapit sa pinangyarihan ng insidente, isang malakas na pagsabog ang kanyang narinig humigit ng bandang 4:30 ng umaga ng Biernes, June 17. Halos umabot diumano sa kaniyang bahay ang tindi ng init na resulta ng malakas na apoy mula sa nasusunog na tanker.
Ayon din sa ilang nakakita sa pangyayari, namatay ang makina ng tanker habang binabagtas ang heavy curve at palusong na daan patungo sa kabayanan ng Padre Burgos hanggang sa ito ay bumaliktad.
Sa kasalukuyan ay naapula na ang apoy ng mga tauhan ng Bureau of Fire Protection (BFP) ng Bayan ng Padre Burgos. May isang bahay na naabot ng sunog bunga ng pagsabog ng tanker.
Courtesy: Armando Magandia, Jr. – Quezon Eagle News Correspondent
