ILOCOS NORTE (Eagle News) – Ni-raid ng Ilocos Norte Police Public Safety Company ang tahanan ni Mr. Stephen Streegan y Flores ng Barangay 3, Burgos St., Vintar, Ilocos Norte. Si Streegan ay nahaharap sa kasong violation of RA 10591 o illegal possession of firearms and ammunition.
Isinagawa ang raid bandang 5:30 ng umaga nitong Biyernes, November 25, 2016 sa bisa ng search warrant na nilagdaan ni Judge Conrado A. Ragucos, RTC First Judicial Region, Branch 16 ng Laoag City. Ang nasabing raid ay pinangunahan ni Police Superintendent Amador Quiocho ng INPPSC at sinaksihan naman ng mga barangay officials sa pangunguna ni Brgy. Captain Ruby Dela Cruz.
Nakuha sa loob ng tahanan ni Streegan ang mga sumusunod:
- 1 .38 revolver
- 1 caliber 9mm
- 1 air gun
- 1 air soft
- assorted ammunitions
Sa kasalukuyan ay patuloy pa rin ang verification na ginagawa ng pulisya sa nakuha nilang mga armas at mga bala.
Weller Reyes – EBC Correspondent, Ilocos Norte
