ZAMBALES, Setyembre 8 (Agila Probinsya) — Sabay-sabay na nagsagawa ng linis bayan ang mga miyembro ng Iglesia Ni Cristo sa lalawigan ng Zambales, partikular na sa mga bayan ng Botolan, Iba, Palauig, Masinloc at Sta. Cruz. Dala ang mga panlinis gaya ng walis tingting, dustpan, kalaykay ay nilinis nila ang harap ng mga pangunahing establishimento sa bawat bayan, gaya ng harap ng mga munisipyo, maging ang kapitolyo ng lalawigan ay nakinabang sa gawaing ito ng Iglesia Ni Cristo.
Patunay ito na ang Iglesia Ni Cristo ay kaisa ng pamahalaan sa pagmamalasakit sa ating kapaligiran, matatandaan na noon lamang nakaraang buwan ay nagsagawa sila ng coastal cleanup sa Iba at Sta Cruz.
Ang ganitong mga aktibidad ay kasama sa mga gawain ng Iglesia Ni Cristo na masiglang nilalalahukan ng kanilang mga kaanib.
(Agila Probinsya Correspondents Michael Montoya, Israel Garcia)