ORMOC CITY, Leyte (Eagle News) – Pinangunahan noong Martes ng umaga, October 4, 2016 ni DENR Regional Director Leonardo Sibbaluca at ni Mines Geosciences Bureau Regional Director Raul Laput ang inspection sa isang quarry sa Barangay Mabini. Ang nasabing lugar ay napagitnaan ng dalawang Bayan. Ang bahaging kaliwa ay sakop ng Ormoc City at ang kanang bahagi naman ay sakop ng Albuera, Leyte. Sa bahagi ng Ormoc City ay pinangunahan ni Mayor Richard I. Gomez kasama ang mga opisyales ng CENRO at sa Albuera naman ay naroon ang kanilang MENRO bilang kinatawan ng kanilang Bayan.
Sa kanilang isinagawang ocular inspection ay natuklasan ng mga awtoridad na halos wala ng tubig na dumadaloy sa ilog na pinagkukunan ng mga bato at buhangin dahil naaabuso na ng mga Quarry Operators. Napagkasunduan na dapat ng kontrolin ang nasabing quarry sa pamamagitan ng pagbuo ng isang “task force” sa ilalim ng pangangasiwa ng Mines & Geosciences Bureau. Hihigpitan na din at kokontrolin ang pag-issue ng mga permits upang maagapan ang tuluyang pagkasira ng kalikasan.
Hindi na rin papayagan ng LGU Ormoc na dumaan ang mga heavy truck at equiptment ng mga quarry operators ng bayan ng Albuera sa kalsada ng Ormoc lalo pa’t daan din ito papuntang golf course na kung saan isa ito sa mga tourist destination ng lungsod.
Kimberly Urboda – EBC Correspondent, Leyte