MANILA, Philippines (Eagle News) — Hinimok ng Philippine Drug Enforcement Agency (PDEA) ang publiko na iparating ang anumang impormasyon ukol sa ilegal na droga sa pamamagitan ng kanilang 24/7 hotline.
Ayon kay Dir. Gen. Isidro Lapeña, layon nitong ilahok ang publiko sa laban kontra ilegal na droga.
Nasa higit labing-walong libong messages na ang natatanggap ng hotline mula nang ilunsad ito noong April 2013 at malaki ang na-itulong ng mga ito sa intelligence, casing at surveillance operations at rehabilitation at treatment assistance.
Kailangan lang ibigay ang pangalan at kumpletong impormasyon ng drug pushers at users sa mga nasabing hotline.