Tiniyak ng pamunuan ng Philippine National Police (PNP) ang kahandaan ng kanilang mga tauhan sa pagsisimula ng kampanya sa lokal na posisyon na magsisimula na bukas, Marso 26.
Ayon kay PNP Chief Director General Ricardo Marquez, tututukan ng kapulisan ang pangangampanya ng local candidates lalo pa’t mas mainit aniya ang kampanya sa lokal na posisyon dahilan kaya ipinag-utos niya na mas pataasin pa ang antas ng presensiya ng mga pulis.
Inabisuhan din ni Marquez ang mga commander na patuloy na kalkulahin at umagapay sa sitwasyon sa mga nasasakupan nila.
Samantala, batay sa kalendaryo ng Comelec, sa araw na ito, Marso 25, ang opisyal na simula ng local campaign period subalit dahil natapat ito sa holiday, ipinagpaliban ito at itinakdang magsisimula bukas, Marso 26.