STA. ROSA CITY, Laguna (Eagle News) – Inilunsad ng Sta. Rosa City-Philippine National Police ang Police Clearance on Wheels na may temang “Pulis at your Service.” Una itong isinagawa sa Brgy. Dita, Sta Rosa City, Laguna.
Ayon kay PSupt. Giovanni Martinez, OIC Chief ng PNP Sta. Rosa City, ang Police Clearance on Wheels ay isinagawa nila dahil sa kahilingan ng marami na walang panahon na makakuha ng police clearance mula Lunes hanggang Biyernes dahil sa trabaho. Kaya ipinasya nila na tuwing weekend ay iikot sa mga barangay at ilapit sa mga tao ang pagkuha ng police clearance.
Upang maipaalam din nila ito sa buong barangay ay ipinost nila ang impormasyon ukol dito sa social media upang maikampanya ito sa mga residente sa Sta. Rosa City at upang makipag-ugnayan sila sa Barangay Officials kung saan ito isasagawa.
Norberto Delfino – EBC Correspondent, Sta Rosa City, Laguna