OLONGAPO CITY, Zambales (Eagle News) – Nagsagawa ng National Mass Training for Cardio Pulmonary Resuscitation ang Philippine Heart Association at Council on Cardio Pulmonary Resuscitation noong Lunes, March 6 sa isang Mall sa Subic Bay Freeport Zone. Ito ay may temang “Save a life, Learn CPR.”
Dinaluhan ito ng iba’t ibang sektor tulad ng mga nasa medical field, kapulisan, mga guro sa pribado at pampublikong paaralan at ilang mga estudyante. Ang lecture ay pinangunahan ni Dr. Marietta Ablang na sinundan agad ng demo ng mga dumalo.
Layunin ng programang ito na mabigyang kaalaman ang mga dumalo ukol sa kanilang malaking magagawa sa pagsagip ng buhay sa anomang pagkakataon.
Bryan Pelaez at Anne Rivera – EBC Correspondents, Olongapo City
