MAGSINGAL, Ilocos Sur (Eagle News) – Patay sa pamamaril ang isang miyembro ng Sanguniang Bayan sa Nagsingal, Ilocos Sur. Nakilala ang biktima na si Freedy Arquero Rita, 55 taong gulang, residente ng Barangay San Lucas, Magsingal, Ilocos Sur.
Ayon sa imbestigasyon, naganap ang nasabing pamamaril sa National Highway, San Basilio, Magsingal, Ilocos Sur noong linggo ng umaga, November 13, 2016. Nagtamo ng tama ng bala sa iba’t ibang bahagi ng katawan ang biktima. Agad itong itinakbo sa Magsingal District Hospital at inilipat sa Northside Doctors Hospital subalit kalaunan ay binawian na ng buhay.
Sa kasalukuyan ay patuloy ang isinasagawang imbestigasyon ng Magsingal Police sa motibo ng pamamaril ng mga suspect.
Noel Pangan – EBC Correspondent, Ilocos Sur