(Eagle News) — Mahabang pila ng mga sasakyan sa exit points ng STAR Tollway sa Batangas ang naging resulta ng pagtataas ng toll fee kahapon, Nobyembre 6.
Umabot ng mahigit sa isang kilometro ang naging pila ng mga sasakyan sa bawat exit ng tollway, kung saan tumaas ang toll fee ng 25 sentimos o katumbas ng halos apat na piso sa bawat exit point.
Dahil sa bagong rate, nalilito maging ang mga teller dahil sa pag-iingat na baka kulang ang masingil nila sa mga motorista.
Walang anumang pagsisikip ng daloy ng trapiko sa loob ng STAR Tollway subalit nagkaroon ng mga pagbagal pagsapit sa mga exit na tumatagal ng 15 hanggang 30 minuto.
(Eagle News Service Ghadzs Rodelas)